Thursday, April 17, 2014

മൂന്നു പുകഞ്ഞ ചിന്തകൾ

മൂന്നു പുകഞ്ഞ ചിന്തകൾ
**********************************

ഗ്ലോബ്
+++++++++++
ഒരൊറ്റ  കൈപ്പിടിയിൽ ഒതുങ്ങുന്ന  
ഈ ഭൂമിക്കു വേണ്ടിയാണ്   
ചരിത്രത്തിലെ ചക്രവർത്തിമാർ
ചോരപ്പുഴയൊഴുക്കി
പടവെട്ടി മരിച്ചത്.!


പ്രഹേളിക
++++++++++
മറക്കുമോ എന്ന് ചോദിച്ചതിന്
പരിഭവിച്ചു
മുഖം മറച്ചു നടന്നവളാണവൾ
ഇന്ന്
ഓർമ്മയുണ്ടോ
എന്നു ചോദിക്കാൻ പോലും
അവളെ കണ്ടുകിട്ടുന്നില്ല.!


തീ
+++++
ശിലകൾ കൂട്ടിയുരസ്സിയാണത്രേ
ആദിമ മനുഷ്യൻ തീയുണ്ടാക്കിയത്
വിശപ്പിന്റെ തീ കെട്ടുപോവാൻ
ഇന്നിന്റെ അധികാര ശിലകളെ
ഏതു കാട്ടിലാണ് വലിച്ചെറിയേണ്ടത് .!

Friday, April 4, 2014

കാഴ്ച

മഞ്ഞും ,മഴയും
മാറി മാറി
കണ്ണാരം പൊത്തി കളിച്ചിരുന്ന
മലയുടെ താഴ്വാരത്താണ്
മരങ്ങൾ
മനം നിറഞ്ഞു ചിരിച്ചിരുന്നത്
മരമറുത്തു മുറിച്ച
മനസിടിഞ്ഞ മനുഷ്യർ
മലയെ മണ്ണാക്കിയപ്പോൾ
മഞ്ഞും മഴയുമെങ്ങൊ
മറഞ്ഞു പോയത്രേ .!